اغنية الاطفال واحد اتنين :
--------------
واحد اثنين ..
سرجي مرجي
أنت حكيم ولا تمرجي
أنا حكيم الصحية
العيان أديله حقنة
والمسكين أديله لقمة
نفسي أزورك يا نبي
يا اللي بلادك بعيدة
فيها أحمد وحميدة
حميدة ولدت ولد
سميته عبدالصمد
مشيته على المشاية
أنت ولد ولا بنت
أنا ولد… وأنا بنت
----------------------------------------------------------
يا أصحابي و صحباتي
صفاء ابو السعود
--------------------
يا أصحابي وصحباتي هنا ومحلك سر
بصوا وشوفوا حاجاتي إنما إيه في السررررر
عندي فرشة أروبة لها شعر صغنون
ومعاها أنبوبة بتطلع معجون
آخد من ده على ديه وألمع أسناني
وأسلك ع الهادي وأرجع ألمع تاني
الصف الفوقاني من فوقه لتحتيه
والصف التحتاني من تحتيه لفوقيه
وبكده لا بتتلوث أسناني ولا تسوس
وتلالي ابتساماتي وأضحك كر كرررررر
يا أصحابي وصحباتي هنا ومحلك سر
بصوا وشوفوا حاجاتي إنما إيه في السررررر
عندي صابونة شقية مكارة ولعبية
لما بغسل وشي بتشعوطلي عينية
وأما بغسل إيدي تتزفلط في إيدية
تتزفلط تتنطط أو تسقط في المية
آه منك يا صابونة يا شقية يا مجنونة
بتقلي وتقلي لما حتبقي ملي
ويا ريتك ما تكشي إلا لما اغسل وشي
رغي يا حلوة وهاتي ده أنا عمري ما هـ فررررر
يا أصحابي وصحباتي هنا ومحلك سر
بصوا وشوفوا حاجاتي إنما إيه في السررررر
عندي فوطة وفوطة يا سلام على فوطيني
دي فوطة صغنطوطة بصابونتي تحميني
ودي فوطة ممطوطة بعد كدة تغطيني
أطلع وأنا مبسوطة ومشطي دا هو في يميني
وتسرحلي سنانه ما هو لازم وضروري
حتي لو بجنانه عضعضلي في شعوري
ولا أدمع ولا أعيط ولا أصرخ وأظيط
ويا محلى فيونكاتي لونها دهب مصفر
يا أصحابي وصحباتي هنا ومحلك سر
بصوا وشوفوا حاجاتي إنما إيه في السررررر
--------------------------------------------------
الاستاذ ارنب :عفاف راضى
------------------------
هم النم ياروحي يللا هم النم
كل واكبرلي ياروحي يللا جايبالك مم
مرة سألت الأستاذ أرنب ليه مانتاش لابس نظارة
قال طول عمري ظريف ومؤدب وأكل من غير ما أعمل غارة
علشان بآكل أأقدر ألعب وأجري أسرع من الطيارة
وزمان قالوا الجزر .. أكله يقوي النظر
روحت أنا واكل هم النم
..
هم النم ياروحي يللا هم النم
كل واكبرلي ياروحي يللا جايبالك مم
..
والست زرافة قولتلها جايبة الظرف ده كله منين
هزت راسها وهزت ديلها وقالت بعيونها الحلوين
أيها خضرة بشوفها باكلها وأمضغها بين الفكين
وزمان قالوا الخضار .. بيخلينا كبار
ويخلينا خفاف الدم
..
هم النم ياروحي يللا هم النم
كل واكبرلي ياروحي يللا جايبالك مم
..
مرة سألت الفيل النونو انت كبير أوي ليه ومتين
شال زلومته وقال بعيونه أنا باكل وألعب تمرين
والبرسيم بيشدني لونه وأكله كله غذا وفيتامين
وزمان قالوا إذا .. اهتميت بالغذا
تبقي متين وسريع الفهم
..
هم النم ياروحي يللا هم النم
كل واكبرلي ياروحي يللا جايبالك مم
..--------------------------------------------
" الفراشة " لنيللى :
------------
كان في فراشة صغنتة مفرفشة ومزقططه
لابسة بلوزة منقطة على جونلة مخططة..منقطة ومخططة
وسط الجونينة لمحتها وهي طايرة في الهوا
ناديتها بصت تحتها قولتلها تيجي نلعب سوا
قالتلي طيب يا اسمك ايه انا هستخبي واختفي
في اي مطرح هلتقي وان كنتي شاطرة تعرفي
قولتلها طب يلا العبي يام جناحات ملونة
يلا يا حلوة جربي هتروحي فين مني انا
طارت وغابت في الشجر عند اشجار الليمون
غابت تمام عن النظر ولونها دهبي في الغصون
بصت بعين مشفتهاش من الشجر معرفتهاش
كان الورق ستر وغطا قولت لا مبدهاش
مديت ايديه للغصون وسرعة هديتها
قوي لقيت جناح بالف لون بينفرد وينطوى
كان في فراشة صغنتة مفرفشة ومزقططه
لابسة بلوزة منقطة على جونلة مخططة..منقطة ومخططة
-----------------------------------------------------
